“Заң мен Тәртіп» идеологиясын ілгерілету бойынша 2026 жылға арналған іс-шаралар жоспарына сәйкес шілде айының 7-10 аралығында «Дені сау бала – дені сау ұлт» тақырыбында денсаулық апталығы өткізілді.
“Заң мен Тәртіп» идеологиясын ілгерілету бойынша 2026 жылға арналған іс-шаралар жоспарына сәйкес КМҚК №11 «Таңшолпан» бөбекжай-бақшасында шілде айының 7-10 аралығында «Дені сау бала – дені сау ұлт» тақырыбында денсаулық апталығы өткізілді.
Апталықтың негізгі мақсаты – тәрбиеленушілердің денсаулығын нығайту, салауатты өмір салтын насихаттау, жеке бас тазалығын сақтау мәдениетін қалыптастыру, қауіпсіздік ережелерін меңгерту, сондай-ақ педагогтер мен ата-аналардың денсаулық сақтау бағытындағы ынтымақтастығын арттыру.
Апталық аясында күн сайын жоспарға сәйкес танымдық, спорттық, тәрбиелік және ойын түріндегі іс-шаралар ұйымдастырылды.
• Сейсенбі күні «Тазалық – денсаулық кепілі» тақырыбында тазалық сағаттары, таңғы жаттығулар, психологиялық ойындар және гигиенаға арналған оқу қызметтері өткізілді.
• Сәрсенбі күні «Шынықсаң шымыр боласың» спорттық эстафеталары, дұрыс тамақтану туралы ойындар мен қимылды ойындар ұйымдастырылды.
• Бейсенбі күні «Тәртіп бар жерде – денсаулық бар» тақырыбында ертегі оқу, жол қозғалысы ережелері бойынша ойындар және балалардың шығармашылық сурет көрмесі өткізілді.
• Сонымен қатар «Біз – шымыр балақайлар!» атты үлкен эстафеталық жарыс, велосипед пен самокаттар шеруі және мақал-мәтелдер мен жұмбақтар сағаты ұйымдастырылды.
• Жұма күні апталық қорытындыланып, «Дені сау ұлт – қуатты мемлекет» атты спорттық флешмоб, барлық қатысушыларды номинациялар бойынша марапаттау рәсімі және «Денсаулық ағашы» бірлескен флеш-акциясы өткізілді.
Апталық барысында тәрбиеленушілердің қозғалыс белсенділігі арттырылып, салауатты өмір салты, тазалық сақтау, тәртіп пен қауіпсіздік ережелерін орындаудың маңыздылығы насихатталды. Іс-шараларға ата-аналар мен педагогтер белсенді қатысып, балаларға үлгі көрсетті.
Қамтылған қатысушылар саны:
• Топтар: 6
• Тәрбиеленушілер: 60
• Педагогтер: 10
• Ата-аналар: 12
